रजनीकान्तमाथि मानहानीको आरोप, जरिवानास्वरुप एक अर्ब एक करोड माग

जेठ २१, २०७५ सोमबार १६:०:४८ | एजेन्सी

दक्षिण भारतीय चलचित्र उद्योगका सुपरस्टार रजनीकान्त फिल्म ‘काला’ का कारण कानूनी झमेलामा परेका छन् ।

मुम्बईका जवाहर नाडर नामका एक पत्रकारले ‘काला’ मार्फत रजनीकान्तले मानहानी गरेको आरोप लगाएका छन् । पत्रकारका अनुसार यो फिल्म उनका पिता थिरावियम नाडरको जीवनमा आधारित छ । तसर्थ त्यसको जरिवानास्वरुप फिल्म १०१ करोड रुपैयाँ क्षतिपूर्ति दिनुपर्ने माग गरेका छन् ।

फिल्म ‘काला’ मा रजनीकान्तले जुन पात्रको भूमिका निर्वाह गरेका छन् उक्त पात्र आफ्ना पिताको वास्तविक जीवन रहेको पत्रकार नाडरले दावी गरेका छन् । साथै फिल्ममा आफ्ना पिताको जीवनीलाई गलत तरिकाले प्रस्तुत गरिन लागिएको आरोप पनि लगाएका छन् ।

नाडरले उनका वकिलका माध्यमबाट मानहानीको आरोप लगाएका छन् । उनले ‘काला’ फिल्मको निर्माण पक्षलाई लिखित रुपमा माफी माग्न र जरिवाना स्वरुप १०१ करोड क्षतिपूर्तिको माग गरेका छन् ।

रजनीकान्तको फिल्म ‘काला’ उनका ज्वाईँ धनुषले निर्माण गरेका हुन् । यस फिल्ममा हुमा कुरेशी र नाना पाटेकरको भूमिका पनि प्रमूख रहेको छ । फिल्ममा तामिलनाडुबाट भागेर मूम्बई आएको एक जना युवक जो पछि मुम्बईको शक्तिशाली डन बन्छ । उक्त डनको भूमिकामा रजनीकान्त छन् भने भने नाना पाटेकर एक नेताको भूमिकामा छन् । अभिनेत्री हुमा कुरेशी रजनीकान्तको जोडीको रुपमा ४५ वर्षीया महिलाको भूमिकामा छिन् ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्