कार्यालय सहयोगीको भरमा छोटी भन्सार, चोरी तस्करी सहज बन्दै

असोज ४, २०७५ बिहीबार ९:८:१८ | सुजता सुनुवार

इलाम – इलामको गोर्खे मानेभञ्ज्याङ्गको छोटी भन्सार कार्यालय सहयोगीको भरमा चलिरहँदा चोरी तस्करी गर्न सहज बन्दै गएको छ । जिल्लाको सूर्योदय नगरपालिका वडा नम्बर १ गोर्खेको मानेभञ्ज्याङ छोटी भन्सार कार्यालयमा एक जनाले सम्पूर्ण कार्यभार जिम्मा लिनु पर्ने वाध्यता भएकाले अवैध सामान ओसारपसारमा सहज बन्दै गएको हो ।

नेपालबाट तरकारी, जडीबुटी निर्यात हुने र भारतबाट दैनिक उपभोग्य सामग्री आयात हुँदै आएको मानेभञ्ज्याङ नाकामा दरबन्दी अनुसारको कर्मचारी नहुँदा यस्ता समस्या बढ्दै गएको पाइएको छ ।

पूर्वी पहाडी क्षेत्रको पशुपतिनगर भन्सार कार्यालय इलाम अन्तर्गत रहेको छोटी भन्सार कार्यालयमा कर्मचारी अभावका कारण यसको प्रत्यक्ष असर राजश्व संकलनमासमेत परेको छ । आवश्यकता अनुसारको जनशक्ति नहुँदा लक्ष्य अनुसार राजश्व सङ्कलन नभएको कार्यलयले जनाएको छ । कार्यलयका अनुसार , अहिले मासिक रु २० देखि २५ हजार मात्रै राजश्व सङ्कलन हुँदै आएको छ ।

कार्यालय सञ्चालनमा चार जना कर्मचारी आवश्यक पर्छ । तर अहिले कार्यालय सहयोगी लाउरे धिमाल मात्रै कार्यरत रहेको पाइएको छ । २०६८ साल असोजमा गएको भूकम्पबाट कार्यालयको भवन क्षतिग्रस्त भएकाले कार्यालय अहिले भाडामा सञ्चालन हुँदै आएको छ । भवन निर्माणका लागि धेरै पटक अनुरोध गरिए पनि अझैसम्म काम नभएको बताइएको छ ।

पशुपतिनगर भन्सार कार्यालयका निमित्त प्रमुख सुरेश थपलियाले भन्नुभयो , दरबन्दी अनुसार कर्मचारी नहुँदा कार्यालय सहयोगीलाई सम्पूर्ण जिम्मेवारी दिइएको हो । उहाँका अनुसार , पशुपतिनगर भन्सार कार्यालयमा १७ जना कर्मचारीको दरबन्दी रहे पनि अहिले नौ जना मात्रै कार्यरत रहेका छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्