बान्ता हुन थालेपछि मिमबहादुरले श्रीमतीलाई भिडियो कल गर्न भनेका थिए

असोज ४, २०७५ बिहीबार १४:३८:३५ | मोहन पौडेल

काठमाडौं – धादिङको गंगाजमुना गाउँपालिका बसेरीका मिमबहादुर घले मलेसिया गएको ५ वर्षभन्दा धेरै भएको थियो । उहाँ मलेसियाको चिहानघारीमा मान्छे गाड्दा चाहिने सामान ओसार्ने काम गर्नुुहुन्थ्यो ।

मिमबहादुरकी श्रीमती केशरीमाया काठमाडौंमा बस्नुहुन्थ्यो । उहाँ काठमाडौं बस्न थालेको डेढ वर्षभन्दा धेरै भयो । मलेसियामा रहेका श्रीमानले केशरीमायालाई फोन गरिरहनुहुन्थ्यो । सोमबार पनि उहाँले श्रीमतीलाई फोन गर्नुभएको थियो । फोनमा उहाँले त्यो दिन साथीहरुले भोज दिन लागेको बताउनुभएको थियो ।

केशरीमाया भोजबाट फर्किएपछि श्रीमानले फोन गर्ने पर्खाइमा हुनुहुन्थ्यो । फोन बज्यो, तर श्रीमानले आत्तिँदै कुरा गर्नुभयो । उहाँले भोजमा रक्सी खाएपछि आफूलाई बान्ता हुन थालेको भनेपछि केशरीमाया आत्तिनुभयो । ‘दाइले भाउजुलाई भिडियो कल गर्न भन्नुभएछ’ मिमबादुरका कान्छा भाइ सोम घलेले उज्यालोसँग भन्नुभयो ‘तर भाउजुले भिडियो कल गर्न पाउनुभएनछ ।’

केशरीमायाले भिडियो कल गर्न खोज्दा मिमबहादुरलाई अस्पताल पुर्‍याइसकिएको थियो । मिमबहादुरका ठूलो बुवाका छोरा मलेसियामै थिए । त्यसैले परिवारले उनीसँग अस्पताल गएर अवस्था बुझ्न भन्यो । परिवारले भनेपछि उनी मिमबहादुलाई पु¥याइएको अस्पतालमा त पुगे । तर सबै जानकारी पाउन सकेनन ।

‘दाइले अस्पतालमै भएको बेला हामीलाई फोन गरेर त्यस्तो गाह्रो छैन रे भन्नुभएको थियो’ सोम भन्नुहुन्छ । त्यो खबरले केही राहत दिएको थियो मिमबहादुरको परिवारलाई । तर २४ घण्टा पनि नबित्दै केशरीमायाले कल्पनै नगरेको खबर सुन्नुपर्‍यो । मलेसियामा रक्सीका कारण नेपालीको ज्यान गएको खबरमा उहाँका श्रीमानको पनि नाम आयो ।

भिडियो कल गर्छु भनेका श्रीमानको मृत्युको खबरले केशरीमाया अहिले बोल्न सक्ने अवस्थामा हुनुहुन्न् ।

माघमा छुट्टीमा आएर फर्किएका थिए मिमबहादुर

५ वर्षअघि मलेसिया गएका मिमबहादुर गएको माघमा दोस्रो पटकको छुट्टीमा घर आउनुभएको थियो । घरमा मिमबहादुरका हजुरबुवा, हजुरआमा, बुवाआमा र दुई जना दाजुभाई छन् । मिमबहादुर परिवारका जेठा छोरा ।

माइला भाइ अहिले दुवईमा छन् । छुट्टीमा आएका बेला मिमबहादुरले भुकम्पले भत्काएर बनाउँदै गरेको घर पुरा भएपछि फर्किने योजना सुनाउनुभएको थियो । तर उहाँको योजना पुरा हुन पाएन ।

अहिले मलेसियाको अस्पतालमा रहेको शव नेपाल ल्याइदिन आग्रह गर्दै भाइ सोम बिहीबार परराष्ट्र मन्त्रालय पुग्नुभएको थियो । उहाँहरुलाई मन्त्रालयले मलेसियामा प्रक्रिया पुरा भएर शव आउने भएपछि खबर गर्ने जवाफ दिएको छ । मिमबहादुरका १० र २ वर्षका दुई छोरा छन् ।

यो पनि पढ्नुहोस् ।

मलेसियामा मृत्यु भएका नेपालीको शव स्वदेश ल्याउने व्यवस्था मिलाउन श्रम मन्त्रीको निर्देशन

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मोहन पौडेल

मोहन पौडेलसँग भुटानी तथा तिब्बती शरणार्थीका विषयमा लामो समय रिर्पोटिंग गरेको अनुभव छ । उहाँ वैदेशिक रोजगारका विभिन्न पाटामा पनि कलम चलाउनु हुन्छ ।

1 Comments

सुरेन्द्र खनाल
Sept. 21, 2018, 3:23 p.m.
विदेसमा बसेर यसो कहिलेकाही रमाइलो गरौ भनेर रमाइलो गर्नु भन्दा अगाडि धेरै कुराहरुमा बिचार पुर्‍याउन पर्छ। रक्सि खादै नखाउ त भन्दिन तर सस्तो र नजिक छ भन्दैमा ठाउठेगान नभएको बिषालु रक्सि नपिऔँ बरु अलि महंगो भएपनि गुणस्तरीय नै पिउन सल्लाह दिन्छु।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बान्ता हुन थालेपछि मिमबहादुरले श्रीमतीलाई भिडियो कल गर्न भनेका थिए

माघमा छुट्टीमा आएर फर्किएका थिए मिमबहादुर

यो पनि पढ्नुहोस् ।

1 Comments

सुरेन्द्र खनाल

तपाईको प्रतिक्रिया

तपाईको प्रतिक्रिया