मध्य पहाडी लोकमार्गको ठाउँ-ठाउँमा पहिरो, सोलु-काठमाण्डौ यात्रा कष्टकर

असार ६, २०७९ सोमबार ७:३१:३९ | सुवास दर्नाल

साेलुखुम्बु - सिन्धुली-मध्यपहाडी लोकमार्गको ठाउँ-ठाउँमा पहिरो जाँदा सोलु-काठमाण्डौ सडक यात्रा कष्टकर बनेकाे छ ।

निरन्तरको वर्षाका कारण मध्यपहाडी लोकमार्गको सिन्धुलीको फिक्कल गाउँपालिका र रैबार क्षेत्रमा खसेको पहिरोले सडक अवरुद्ध हुँदा यातायात सञ्चालनमा चुनौती थपिएको हो ।

पहिरोका कारण दिनहुँजसो सडक अवरुद्ध हुँदा सोलुखुम्बु, ओखलढुङ्गा, खोटाङ, उदयपुर लगायतका जिल्लाहरुबाट काठमाण्डौका लागि छुटेका गाडीहरु रोकिने गरेका जिल्ला प्रहरी कार्यालय सिन्धुलीले जनाएको छ ।

पानी पर्ने बित्तिकै फिक्कल गाउँपालिका-६ मा रहेकाे सोखुखोलामा बाढी आउँदा गाडी सञ्चालन नै रोकिने गरेको गाडी चालकहरुले बताएका छन् । आइतवार बिहान परेको पानीका कारण खोलामा बाढी आउँदा करिब ४ घण्टा सडक ठप्प भएको जिल्ला प्रशासन कार्यालय सिन्धुलीले जनाएको छ ।

याे खोलामा निर्माणाधीन पुल लामो समयदेखि अलपत्र अवस्थामा रहेकाले खोलाबाट नै गाडी सञ्चालन गर्नु पर्ने बाध्यता छ । तर सम्बन्धित पक्षले चासो नदिँदा यात्रुहरुले सास्ती खेप्नु परेको स्थानीयले बताएका छन् ।

सिन्धुलीकै रैबार क्षेत्रमा पर्ने सडकको ठाउँ-ठाउँमा माथिबाट पहिरो खस्दा पटक-पटक गाडी फस्ने तथा रोकिने गरेको स्थानीय मानबहादुर तामाङले बताउनु भयाे । सडक खण्ड अवरुद्ध हुँदा अपाङ्गता भएका, महिला, बालबालिका तथा वृद्धवृद्धा अवस्थाका यात्रुहरू बढी मारमा पर्ने गरेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्