कफी दिवसको उपहार : कफी ब्लक

असोज १७, २०७५ बुधबार १७:२०:४० | जनार्दन घिमिरे

गुल्मी – अन्तर्राष्ट्रिय कफी दिवसको अवसरमा कफी अनुसन्धान कार्यक्रम गुल्मीले नेपालमा पहिलो पटक अन्तर्राष्ट्रिय कफी दिवस मनाएको छ ।

गुल्मीको रुरु गाउँपालिका –४, अन्तर्गत भण्डारी डाँडामा स्थापना भएको त्यस अनुसन्धान कार्यक्रमले जिल्लाका सरोकारवाला संघ संस्थाका प्रमुख तथा प्रतिनिधिहरुलाई कफी खेती र अनुसन्धान कार्यक्रमको अवलोकनसमेत गराएको छ ।

अनुसन्धान कार्यक्रमले कफी दिवसको अवसर पारेर नेपाल पत्रकार महासंघ गुल्मी कफी ब्लक र गुल्मी उद्योग वाणिज्य संघ कफी ब्लकको समेत स्थापना गरेको छ । उक्तं दुवै ब्लकहरुमा संस्थाका प्रतिनिधिहरुद्वारा कफीको बिरुवा रोपण गरिएको थियो ।

गएको चार वर्षअघि सरकारले भण्डारीडाँडामा देशकै पहिलो अनुसन्धान केन्द्र स्थापना गरेपछि जिल्लामा त्यस अनुसन्धान केन्द्रले कफी खेतीको क्षेत्रमा अनुसन्धानको काम गर्दै आएको छ । कफी अनुसन्धान केन्द्रले अहिलेसम्म गुल्मीमा २९ प्रकारका कफीका नयाँ जात विकास, नर्सरी स्थापना र बोटहरुको व्यवस्थापन, स्वस्था र गुणस्तरका कफीका बेर्ना उत्पादनलगायतका क्षेत्रमा काम गर्दै आएको कफी अनुसन्धान कार्यक्रमका प्रमुख कृष्णबहादुर थापाले बताउनुभयो ।

एक सय रोपनी क्षेत्रफलमा पैmलिएको भण्डारीडाँडामा अहिले एक हजारभन्दा बढी बोटहरुमा कफी फल्न सुरु गरेपछि कफी खेती हेर्नका लागि अनुसन्धान केन्द्रमा मानिसहरुको आकर्षण पनि विस्तारै बढ्न थालेको छ । केन्द्रले १० जातका बीउबाट सुरु गरेको अनुसन्धानलाई अहिले २९ प्रकारका बोटमा विकास गरेको छ । रोपेको तीन वर्षमै एउटै बोटले ५ हजारसम्म दान दिने गरी लटरम्मै कफी फल्न थालेको छ ।

जिल्लाका १२ स्थानीय तहमध्ये रुरु, छत्रकोट, गुल्मी दरबार, इश्मा गाउँपालिका र मुसिकोट नगरपालिकामा किसानहरुले व्यावसायिक कफी खेती गर्दै आइरहेका छन् । गुल्मीमा ९३ वडामध्ये ४५ वडामा २ हजार जति व्यावसायिक कफी किसानहरु रहेका छन् ।

जिल्लामा १सय ४० हेक्टर क्षेत्रफलमा कफी खेती गरिँदै आएको छ । जसबाट गुल्मीमा हाल वार्षिक ८० मेट्रिक टनभन्दा बढी कफी उत्पादन हुने गरेको छ । जैविक मलको प्रयोगबाट उत्पादन हुँदै आएको उक्त अर्गानिक कफी हाल जापान, कोरिया, अस्ट्रेलिया लगायतका देशहरुमा निर्यात हुँदै आइरहेको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्