भालुको आक्रमणबाट अर्घाखाँचीमा १ जनाकाे ज्यान गयाे

पुष २०, २०७९ बुधबार १९:४:५१ | प्रेमनारायण आचार्य

अर्घाखाँची – अर्घाखाँचीको शितगंगा नगरपालिकामा भालुकाे आक्रमणबाट एक जनाकाे ज्यान गएकाे छ ।

भालुकाे आक्रमणबाट शितगंगा नगरपालिका वडा नम्बर २ सितापुरमा ८० वर्षका रामबहादुर क्षेत्रीको ज्यान गएकाे जिल्ला प्रहरी कार्यालय अर्घाखाँचीका प्रमुख एवम् प्रहरी नायब उपरीक्षक मुकुन्दप्रसाद रिजालले जानकारी दिनुभयाे । आज बुधवार घरबाट झिरा जाँदै गर्दा रानी सामुदायिक वनमा भालुकाे आक्रमणबाट उहाँ घाइते हुनुभएकाे थियाे । उहाँकाे उपचारको क्रममा प्राथमिक स्वास्थ्य केन्द्र ठाडामा ज्यान गएकाे हाे ।

प्रहरी कार्यालयले रानी सामुदायिक वन तथा अन्य क्षेत्रहरूमा एक्लै नहिँड्न र हिँड्नुपरेमा सावधानी अपनाउन स्थानीयलाई अनुरोध गरेको छ ।

यस्तै अर्घाखाँचीको शितगंगा १४ सिमलपानीमा बसले किचेर एक वृद्धाकाे ज्यान गएकाे छ । कपिलवस्तुबाट अर्घाखाँची गएको लु १ ख ८७५८ नम्बरको बसबाट ओर्लने क्रममा स्थानीय ७६ वर्षीया इन्द्रकला भट्टराईलाई त्यही बसको पछाडिको चक्काले किचेको थियो ।

कपिलवस्तुको पिपरामा रहेकाे सामुदयिक अस्पतालमा उपचारको क्रममा गए राति उहाँको ज्यान गएको हो । प्रहरी बसका चालकलाई पक्राउ गरेकाे छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्