अफगानिस्तानबाट उद्धार गरिएका नेपाली सुरक्षा गार्डलाई बेलायतले देश निकाला गर्ने निर्णय रोकियो

चैत २३, २०७९ बिहीबार १३:५:१० | उज्यालो सहकर्मी

काठमाण्डौ – अफगानिस्तानको काबुलमा रहेको बेलायती दूतावासमा सुरक्षा गार्डको रूपमा कार्यरत नेपालीलाई बेलायतबाट स्वदेश फिर्ता पठाउने योजना तत्काललाई रोकिएको छ ।

तालिवानले काबुल कब्जा गरेपछि उद्धार गरेर बेलायत पुर्‍याइएका सुरक्षा गार्डको रूपमा कार्यरत नेपालीहरूलाई नियन्त्रणमा लिएर देश निकाला गर्ने प्रक्रिया अघि बढाएको बेलायतले तत्काल त्यसो नगर्ने बताएको बिबिसीले खबर लेखेको छ ।

अफगानिस्तानको काबुलमा रहेको बेलायती दूतावासको सुरक्षामा खटिएका ११ जना नेपाली र २ जना भारतीयलाई तालिवानले अफगानिस्तान कब्जामा लिएपछि सन् २०२१ को अगस्टमा उद्धार गरेर बेलायत लगिएकाे थियो । बेलायतमा लगेर उनीहरुलाई एउटा होटलमा राखिएको र त्यही होटलमा आफूहरूले काम गर्दै आएको एक नेपालीले बताएका छन् ।

उनीहरूले बेलायतमा स्थायी रूपमा बसोबास गर्नका लागि आवेदन दिएको भए पनि बेलायतले उनीहरूलाई देश निकाला गरेर स्वदेश पठाउने बताएको थियो र त्यसका लागि आवश्यक कागजपत्र समेत तयार भइसकेको बिबिसीले उल्लेख गरेको छ ।

होटलमा बसेर काम गर्दै आएका केहीलाई छापा मारेर पक्राउ समेत गरिएको थियो । तर बिबिसीका अनुसार बेलायतको गृह मन्त्रालयले उनीहरूलाई बेलायतबाट स्वदेश पठाउने तयारी अहिलेलाई रोकिएको जानकारी दिएको छ ।

‘यस विषयमा थप छलफल र समीक्षा नहुँदासम्मका लागि अहिलेलाई उनीहरूलाई देश निकाला गर्ने निर्णय रोकिएको छ’ बेलायती गृह मन्त्रालयका प्रवक्ताको भनाइलाई उद्धृत गर्दै बिबिसीले लेखेको छ ।

पक्राउ परेकाहरूलाई स्वदेश फिर्ती केन्द्रमा राखिएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्