पोर्चुगलमा रोजगारी लगाइदिने भन्दै अजरबैजान पुर्‍याएर अलपत्र पर्ने एक जना पक्राउ

वैशाख १४, २०८० बिहीबार १३:५८:० | उज्यालो सहकर्मी

काठमाण्डौ – पोर्चुगलमा रोजगारी लगाइदिने भन्दै झण्डै १४ लाख रुपैयाँ लिएर अजरबैजान पुर्‍याई अलपत्र पार्ने एक जनालाई प्रहरीले पक्राउ गरेको छ ।

पोर्चुगलमा दुई लाख रुपैयाँ मासिक तलब हुन्छ भन्दै दिनेश बमलाई अजरबैजान पुर्‍याएर अलपत्र पारी फरार भएको भन्दै कैलालीको टिकापुर १ घर भई अहिले ललितपुरको टिकाथली बस्ने कृतक बहादुर साउँदलाई प्रहरीले पक्राउ गरेको हो ।

कृतकले दिनेशसँग पोर्चुगलको रोजगारीको प्रलोभन देखाई विभिन्न समयमा गरी १३ लाख ९२ हजार रुपैयाँ लिएका थिए । पोर्चुगलमा महिनाको दुई लाख रुपैयाँ कमाइ हुने आसमा रकम दिएको दिनेशले बताउनुभएको छ । तर अजरबैजान पुगेपछि कृतक सम्पर्क विहीन भएका थिए ।

वैदेशिक रोजगार विभागले काठमाण्डौ उपत्यका अपराध अनुसन्धान कार्यालयलाई पक्राउ गरी उपस्थित गराइदिन पत्राचार गरेपछि हिजो बुधवार कृतक काठमाण्डौको सिनामंगलबाट पक्राउ परेका हुन् ।

घटनाबारे थप अनुसन्धान तथा कारबाहीको लागि उनलाई वैदेशिक रोजगार विभाग पठाइएको कार्यालयले जनाएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

पोर्चुगलमा रोजगारी लगाइदिने भन्दै अजरबैजान पुर्‍याएर अलपत्र पर्ने एक जना पक्राउ

फाइल तस्बिर

तपाईको प्रतिक्रिया