ताप्लेजुङको मेहेलेमा जता हेर्‍याे त्यतै पहिरो, झन्डै ३ सय परिवारलाई सुरक्षित ठाउँमा सारिँदै

असार ५, २०८० मंगलबार ८:१४:१० | केशवप्रसाद भट्टराई

ताप्लेजुङ – निरन्तरको वर्षासँगै आएको बाढी पहिरोका कारण ताप्लेजुङको सिदिङ्वा गाउँपालिका–६ मेहेलेका झन्डै तीन सय परिवार विस्थापित भएका छन् । उनीहरूलाई सुरक्षित ठाउँमा सारिँदै छ ।

मेहेले गाउँमा जताततै पहिराे गएकाे छ । पहिरोका कारण अहिलेसम्ममा यो गाउँमा तीन जनाको ज्यान गएको छ भने तीन जना बेपत्ता छन् ।

मेहेलेको भालुखोप गाउँको सिरान देउरालीबाट आएको पहिरोमा परि एक जनाको ज्यान गएको छ भने तीन जना हराइरहका छन् । यो गाउँमा २५ घरका सबै विस्थापित भएका छन् । विस्थापित भएका उनीहरू माथिल्लो डाँडामा बसेका छन् ।

मुकुभञ्जाङ तथा गौरिगाउँ टोलका एक सय १० परिवारलाई निलगिरि माध्यमिक विद्यालयमा सारिएको छ । मुकुभञ्ज्याङमा माथिबाट ढिस्काे खसेर पहिरो बनेर आउँदा दुई जनाको ज्यान गएको छ भने एक जना घाइते भएका छन् ।

टेस्वा टोलका ६० र तोरीबारी टोलका ५० घरका परिवार सबैलाई माथिल्लो डाँडा र ताल खर्कमा सारिएको छ । तर सुरक्षित भनिएका ठाउँ नै पहिरोको जोखिममा छन् । भिरालो जमिन भएकाले ढिस्को भत्किएर पहिरो गइरहेको प्रमुख जिल्ला अधिकारी गोमादेवी चोम्जोङले बताउनुभयो ।

सिदिङ्वाकी उपाध्यक्ष कृष्णकुमारी कडरियाले जताततै पहिरो भएकाले उद्धार तथा राहतमा समस्या भइरहेको बताउनुभयो । साना खोल्सा तथा खोलामा बाढी आएर तर्न नसक्ने अवस्था रहेकाे उहाँले बताउनुभयाे । बाढीले बाटो बगाएको छ भने मौसम खराब हुँदा उद्धार र राहतका लागि हेलिकप्टरसमेत पुग्न सकेको छैन ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्