जनमत पार्टी बाहिरिए पनि मधेश प्रदेशका मुख्मन्त्रीलाई बहुमत कायमै

माघ १०, २०८० बुधबार ९:४:४३ | उज्यालो सहकर्मी

काठमाण्डौ – मधेश प्रदेश सरकारबाट जनमत पार्टी बाहिरिएको छ । तर जनता समाजवादी पार्टी, जसपाबाट मुख्यमन्त्री भएका सरोज यादवलाई बहुमत कायमै छ । हिजो जनमत पार्टीबाट मन्त्री भएका दुुईजनाले पदबाट राजीनामा दिँदै मुख्यमन्त्री यादवलाई दिएको समर्थन फिर्ता लिएका हुन् ।

१०७ सदस्यीय मधेश प्रदेशमा बहुमतका लागि ५४ सांसद आवश्यक पर्छ । मुख्यमन्त्री यादवलाई कांग्रेसका २२, जसपाका १८, माओवादीका ८, लोसपाका ९ र एकीकृत समाजवादीको ७ गरी ६४ सांसदको समर्थन छ । सरकार बाहिर रहेको एमालेका २४ सांसदको पनि यादवलाई समर्थन छ ।

जनमत पार्टीका १३ सांसदको मात्र समर्थन फिर्ता भएको हो । पछिल्लो समय मधेशमा जनमत र जसपाबीच तिक्तता बढ्दै गएको छ । केन्द्रमा पनि सत्ता गठबन्धनसँग जनमत असन्तुष्ट बन्दै गएको छ । राष्ट्रिय सभा चुनावका लागि उम्मेदवारी बाँडफाँटदेखि नै जनमत पार्टी असन्तुष्ट भएको हो ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्