आज राति कोशी, बाग्मती र गण्डकीको पहाडी भेगमा पानी पर्ने सम्भावना

चैत ८, २०८० बिहीबार १८:१५:५१ | उज्यालो सहकर्मी

काठमाण्डाै – काठमाण्डौ उपत्यकासहित देशका धेरैजसो ठाउँमा आज पनि पानी परेको छ । कोशी, मधेश र बाग्मती प्रदेशमा धरै पानी परेको मौसम पूर्वानुमान महाशाखाकी मौसमविद् गङ्गा नगरकोटीले जानकारी दिनुभयो । पछिल्लो १२ घण्टामा मकवानपुरमा सबैभन्दा धेरै ३३ दशमलव चार मिलिमिटर पानी परेको छ ।

आज राति कोशी, बाग्मती र गण्डकीको पहाडी भेगमा पानी पर्ने सम्भावना रहेको छ । यस्तै भोलि बिहान मौसम केहीबेर खुल्ने भए पनि दिउँसो बदली हुने मौसमविद् नगरकोटीले बताउनुभयो । मध्य तथा पूर्वी क्षेत्रमा पर्सि शनिवारसम्म बदली र वर्षाको सम्भावना रहेको छ ।

अबको तीन/चार दिनसम्मै मौसम बदली भएर छिटपुटदेखि हल्का पानी पर्न सक्ने मौसमविदले बताएका छन् । पश्चिमी न्यून चापीय प्रणाली तथा भारतको बिहार आसपास रहेको न्यून चापीय प्रणालीको प्रभावले पानी परेको हो ।

महाशाखाका अनुसार विशेषगरी कोशी, मधेश र बाग्मती प्रदेशमा वर्षा भएको छ । यस्तै लुम्बिनी र गण्डकी प्रदेशका थोरै ठाउँमा पनि पानी परेको छ । सुदूरपश्चिम र कर्णाली प्रदेशमा सामान्य बदली भए पनि पानी पर्ने सम्भावना नरहेको मौसम पूर्वानुमान महाशाखाले जनाएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

आज राति कोशी, बाग्मती र गण्डकीको पहाडी भेगमा पानी पर्ने सम्भावना

फाइल फाेटाे

तपाईको प्रतिक्रिया