म्यानपावरले भन्ने झुठा कुराबाट यसरी बच्न सकिन्छ

 जेठ ३१, २०७५ बिहीबार १४:८:४९ | मेरो कथा मेरो भोगाई

गजेन्द्र अवस्थी ‘गौरव’/बैतडी, हाल काठमाडौं  

म अहिले नेपाल लाइफ इन्स्योरेन्समा काम गरिरहेको छु । यो काम थालेको एक महिना पनि पुगेको छैन । एक महिना अघि म मलेसियाबाट फर्किएको हुँ । मलेसियामा म तीन वर्ष बसें । सन् २०१४ मा मलेसिया गएको थिएँ । त्यतिबेला विदेश नै जानुपर्ने अवस्था त थिएन । तर मसँगै पढेका साथी अनि आफन्तहरु मलेसिया धेरै थिए । उनीहरुले नै मलाई मलेसियाको एउटा कम्पनीमा ७० हजार कमाई हुन्छ भनेपछि मैले त्यो कम्पनीका बारेमा आफैं पनि बुझें ।

अहिले इन्टरनेटको जमाना छ । नेटमा कम्पनीका बारेमा सर्च गर्‍यो भने सबै कुरा हेर्न पाइन्छ मैले पनि त्यसरी नै हेरें । उनीहरुले भनेका कुरा मिलेपछि म मलेसिया गएँ । 

कम्पनी राम्रो थियो । कमाइ पनि राम्रो भयो । साथीहरु त्यही कम्पनीमा सम्झौता थपेर काम गरिरहेका छन् । तर म चाहिँ अब नेपालमै केही गर्नुपर्छ भन्ने लागेर फर्किएको हुँ । वैदेशिक रोजगारीमा जाने धेरै नेपालीहरुले यहाँ भनेको जस्तो काम र कमाइ भएन भनेर गुनासो गरिरहनुहुन्छ ।

यस्तो गुनासो सुन्दा मलाई यस्ता समस्याबाट आफैं बच्न सकिन्छ जस्तो लाग्छ । त्यसका लागि विदेश जाने तयारी गर्दैदेखि सचेत हुनुपर्छ । म्यानपावर वा त्यसका एजेण्टले कुन कम्पनीमा पठाउन लागेका हुन भनेर बुझ्नुपर्छ । त्यो बुझ्न नेटमा बसेर खोज्न सकिन्छ । धेरै हदसम्म यो आधिकारिक हुन्छ ।

त्यस्तै अर्को उपाय त्यो देशमा साथीभाई वा आफन्त छन भने उनीसँग पनि बुझ्न सकिन्छ । यसरी बुझेर गइयो भने पछि समस्यामा पर्ने सम्भावना कम हुन्छ । 
ठगिनबाट जोगिने अर्को उपाय प्रमाण हो । तपाईंलाई यदी एजेण्ट वा म्यानपावरले सरकारले तोकेको भन्दा धेरै पैसा मागे भने नदिनु सबै भन्दा राम्रो हो ।

तर विदेश जाने सुरमा धेरैले एजेण्ट र म्यानपावरसँग यसका बारेमा कुरा गरेको सुनिँदैन । विदेश पुगेपछि दुःख पाएर आएपछि मात्रै गुनासो गर्नुहुन्छ । तर सरकारले तोकेको भन्दा धेरै पैसा दिएर जानुभयो भनेपनि त्यसको प्रमाण चाहिँ राख्न भुल्नु हुँदैन ।

जसले गर्दा ठगिमा परियो वा समस्या भयो भने त्यसबाट छुटकारा पाउन सकिन्छ ।  त्यसैले विदेश जाने व्यक्ति आफैं जानु अघि नै सचेत हुनुपर्छ । 

1 Comments

  • नरेस बिस्ट बादल

    June 15, 2018, 11:25 a.m.

    जानकारी लागि धन्यवाद

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

रामेछापमा जीप दुर्घटना हुँदा गोकुलगङ्गा–४ का वडा अध्यक्षसहित ५ जनाको ज्यान गयाे

३

फिफा वरीयतामा नेपालको एक स्थान सुधार

४

एनपीएलको विजेताले एक करोड ११ लाख रुपैयाँ पुरस्कार पाउने

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

सीप नसिकी विदेश जाँदा पछुतो भयो, अब त बिना सीप जान्न भो

विदेशको काम, सीप भए हुन्छ सुरक्षा र राम्रो दाम

मेरो कथा मेरो भोगाई