देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

378_Desh Paradesh 2019-09-24

Download

कार्यक्रम देश परदेशको ३७८ औं वैदेशिक रोजगार नियमावलीमा भएका संशोधन र यसले हुने फाइदाका कुरामा केन्द्रित छ । वैदेशिक रोजगार ठगीको मुद्धामा वैदेशिक रोजगार विभाग धाउँदाधाउँदा थाकेका केही पीडितका भोगाई कार्यक्रममा सुन्न सकिन्छ । वैदेशिक रोजगार नियमावलीमा भएको संशोधन र यसले हुने फाइदाका विषयमा पिपुल फोरममा आवद्ध अधिवक्ता कृष्ण न्यौपानेको कुरा पनि कार्यक्रममा समावेश छ । वैदेशिक रोजगार विभाग र बोर्डबाट हुने काम नियमावली संशोधनसँगै अब पालिका स्तरबाट कसरी र कहिलेबाट हुन्छ त भनेर विभागका महानिर्देशक भीष्मकुमार भूसाल र बोर्डका कार्यकारी निर्देशक राजनप्रसाद श्रेष्ठसँगको कुराकानी पनि कार्यक्रममा समावेस छ । दिदीबहिनीका कुरामा सुनसरीकी सुनमाया तामाङको ८ वर्षे कुवेत बसाईका भोगाइ, सिकाइ र सफलताका कुरा सुन्न सकिन्छ । साथमा छन्, तपाईँले सोधेका प्रश्नमा हामीले खोजेका उत्तर र तपाईँका रुचिका विषय समेटिएको राउण्ड अप पनि ।

देश परदेश (अडियाे)

378_Desh Paradesh 2019-09-24

अरु एपिसोडहरु