विश्वकप क्रिकेट : भारतले रोक्न सक्ला अस्ट्रेलियाको विजयी यात्रा ?

जेठ २६, २०७६ आइतबार ८:३७:३५ | उज्यालो सहकर्मी

प्रतियोगितामा विजयी सुरुवात गरेका दुवै टोली भारत र अष्ट्रेलिया आइतबार सुरुवाती चरणको अग्रताका लागि आँखा लगाइरहेका छन् । विश्वकपको १४ औं खेल द ओभलमा नेपाली समय अनुसार दिउँसो सवा ३ बजेदेखि खेल सुरु हुनेछ ।

अष्ट्रेलियाली टोली विश्व क्रिकेटमा आक्रामक छबिका लागि चिनिन्छ । उसले वेष्ट इण्डिजविरुद्ध बिहीबार भएको खेलमा पनि यस्तै पुनरागमनसहितको सानदार प्रदर्शन गर्न सफल भयो ।

नाथान कल्टर नाइल, जसको एकदिवशीय औषत बिहीबार अघिसम्म १२.८३ थियो, उनले ६० बलमा ९२ रनको विष्फोटक पारी खेलेपछि ३८/४ को दयनीय स्थितिमा रहेको अष्ट्रेलियाले एकाएक सुरक्षित अवस्थामा पुगेको थियो । उनीसँगै स्टिभ स्मिथ र एलेक्स क्यारीले पनि उल्लेख्य योगदान गरेका थिए ।

त्यसपछि विश्वकपको गएको संस्करणका उत्कृष्ट खेलाडी मिचेल स्टार्कले ५ विकेटका साथ डटेर जवाफी ब्याटिङ गरेको वेष्ट इण्डिज धरापमा परेको थियो । अष्ट्रेलियाले त्यस खेलमा १५ रनको जित निकालेको हो ।

अब अष्ट्रेलिया त्यस्तो प्रतिस्पर्धीसँग आमने सामने हुँदैछ जसले यसै वर्षको सुरुवातमा सानदार एकदिवशीय श्रृंखला पूरा गरेको थियो । बल टेम्परिङ प्रकरणपछि अष्ट्रेलियाको पुनरागमन सिरिज थियो त्यो ।

यता भारत पहिलो खेलमा दक्षिण अफ्रिकाविरुद्ध सहज जित हासिल गरेपछि अधिक आत्मविश्वासी देखिन्छ । दक्षिण अफ्रिकाका ५ ब्याट्सम्यानलाई पेविलियन पठाएका कुलदीप यादव र युजवेन्द्र चहल नै आइतबार अष्ट्रेलियाविरुद्ध निर्णायक बन्न सक्नेछन् । रोहित शर्माले एकल प्रयासमा भारतीय टिमले ब्याटिङमा उत्कृष्ट प्रदर्शन गरेको थियो ।

तर, आइतबार चौथो नम्बरका केएल राहुलको प्रदर्शन टिमको ब्यवस्थापनका लागि अहम् हुनेछ ।

मध्याह्नकोे समयमा ओभलको मौसम बदली हुने अनुमान गरिएको छ । यस प्रतियोगितामा अहिलेसम्म दोस्रो ब्याटिङ सफल भएको छैन । सुख्खा पिच र फराकिलो आउटफिल्डका कारण फास्ट बलरको तुलनामा स्पिनर प्रभावशाली हुनेछन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्