विश्वकप क्रिकेट: श्रीलंकासामु अष्ट्रेलियाकाे तीन सय ३५ रनको लक्ष्य

जेठ ३२, २०७६ शनिबार १९:३:२१ | उज्यालो सहकर्मी

आईसीसी एक दिवसीय विश्वकपमा अष्ट्रेलियाले श्रीलंकालाई तीन सय ३५ रनको लक्ष्य दिएको छ ।

ओभल मैदानमा टस हारेर ब्याटिङको निम्तो पाएको अष्ट्रेलियाले ५० ओभरमा सात विकेट गुमाउँदै तीन सय ३४ रन बनायो ।

बलियो सुरुवात गरेको अष्ट्रेलियाल पहिलो विकेटका लागि ८० रनको साझेदारी गरेको थियो । उसका ओपनर डेभिड वार्नर २६ रनमा आउट भए । त्यसपछि तेस्रो नम्बरमा आएका उस्मान खवाजा मात्र दश रनमा पेभेलियन फर्किएपछि अष्ट्रेलियाले एक सय रन बनाउँदा दोस्रो विकेट खेर फाल्यो ।

तर तेस्रो विकेटका लागि एरोन फिन्च र स्टिभ स्मिथले एक सय ७३ रनको साझेदारी गर्दै टिमलाई बलियो स्थितिमा पुर्याए । जसमा फिन्चले एक सय ५३ रनको पारी खेले । उनले एक सय ३२ बलमा १५ चौका र ५ छक्का प्रहार गरे । स्टिभ स्मिथ पनि ७३ रनमा आउट भएपछि अष्ट्रेलियाले दुई सय ७८ रनमा चौथो विकेट गुमायो ।

तर त्यसपछि सस्तैमा दुई विकेट गुमाएपछि अष्ट्रेलियाले तीन सय १९ रनमा साताैँ विकेट गुमायो । उसका शन मार्श तीन तथा एलेक्स क्यारी चार रनमा आउट भए भने प्याट कमिन्सले खाता खोल्न सकेनन् । उसका लागि ग्लेन म्याक्सवेलले ४६ रन बनाए ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्