दशैँमा स्थानीयलाई पलाँता गाउँपालिकाकाे उपहार: पछ्यौरा, ढाका टोपी र खाद्यान्न

असोज १०, २०७६ शुक्रबार १६:१६:५३ | मनिराज पाण्डे

कालिकोट – पलाँता गाउँपालिकाले एकल महिला, द्वन्द्व पीडित, विपन्न परिवार र वृद्धवृद्धालाई दशैँ मनाउनका लागि उपहार वितरण गरेको छ ।

गाउँपालिकाले उनीहरुलाई उपहारस्वरुप पछ्यौरा, ढाका टोपी, तेल, चिनी र चामल वितरण गरेको हो । वृद्धका लागि एउटा ढाका टोपी र एक केजी चिनी तथा वृद्धाका लागि एउटा पछ्यौरा र एक केजी चिनी उपहार दिइएको हो ।

त्यस्तै एकल महिलालाई एउटा पछ्यौरा, एक केजी चिनी र एक पाकेट तेल उपहार दिइएको छ । विपन्न तथा द्वन्द्व पीडित ९० घरपरिवारलाई एक बोरा चामल, दुई पाकेट तेल र एक केजी चिनी उपहार दिइएको छ । त्यस्तै दलित घरपरिवारलाई एक बोरा चामल, दुई पाकेट तेल र १ केजी चिनी उपहार दिइएको गाउँपालिकाका प्रमुख प्रशासकीय अधिकृत राजबहादुर बमले बताउनुभयो । ।

पलाँतामा एक पाकेट तेलको मूल्य एक सय २० रुपैयाँ, एक केजी चिनीको एक सय रुपैयाँ र एक बोरा चामलको मूल्य दुई हजार रुपैयाँ पर्छ । गाउँपालिकाभित्रका कसैले पनि दशैँ चिनी एक केजीको एक सय रुपैयाँ र चामल एक प्याकको २ हजार रुपैयाँ पर्छ ।

दशैँको बेला घरमा दशै मान्ने खर्च नभएर कसैले पनि रुँदै बस्न नपरोस् भनेर गाउँपालिकाले उनीहरुका लागि उपहार कार्यक्रम अगाडि सारेको गाउँपालिका अध्यक्ष बमले बताउनुभयो ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्