पाल्पा दुर्घटनामा ज्यान गुमाएकाको शव निकालिँदै

साउन २०, २०७५ आइतबार ८:११:२ | देव पचभैया

पाल्पा – शनिबार बेलुकी पाल्पामा भएको जीप दुर्घटना हुँदा दुई जनाको ज्यान गएको छ । ज्यान गुमाएका दुवै जनाको आइतबार बिहानैदेखि शव निकाल्ने प्रयास भैरहेको छ ।

रिब्दीकोट गाउँपालिका ६ ठिमुरे ढुस्टुङ्गमा भएको जीप दुर्घटनामा तानसेन नगरपालिका १० गणेशालका २६ वर्षीय विवेक पौडेल र ३६ वर्षीय टंक चलाउनको ज्यान गएको थियो । तानसेनबाट विद्युतका सामाग्री लिएर ठिमुरेतर्फ जाँदै गरेको बा १ च ८९७० नम्बरकाे निजी हाईलक्स टोयटा जीप ठिमुरे ढुस्टुङ्गमा दुर्घटनामा परेको थियो ।

जीपमा भएका दुबै जनाको घटनास्थलमै ज्यान गए पनि शनिबार बेलुकी उनीहरुको उद्धार हुन नसक्दा प्रहरीले दुवै जना बेपत्ता भएको जनाएको थियो । घटनास्थलमा पहिरोका कारण ढुंगा खस्न नरोकिएको र रात परेकाले शनिबार उद्धार हुन नसकेको जिल्ला प्रहरी कार्यालय पाल्पाले जनाएको छ ।

साँघुरो कच्ची सडकदेखि खोँचमा परेको शवलाई स्थानीयको सहयोगमा निकाल्ने प्रयास भैरहेको प्रहरीले जनाएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्