४१ लाखको भवन मन्दिरलाई

भदौ ७, २०७५ बिहीबार २०:०:४४ | देव पचभैया

पाल्पा – तानसेनस्थित ठाडोगल्ली, भगवतीटोलका डाक्टर निरजगोविन्द श्रेष्ठले ४१ लाखको लागतमा बनेको भवन मन्दिर व्यवस्थापन समितिलाई हस्तान्तरण गर्नुभएको छ ।

पिता, माता र दाजुको स्मृतिमा निर्माण गर्नुभएको भवन डाक्टर श्रेष्ठले भगवतीटोलमा रहेको श्री ७ रणउजिरेश्वरी भगवती गुठी व्यवस्थापन समितिलाई हस्तान्तरण गर्नुभएको हो । सोभियत संघको बेलारुसमा बस्दै आउनुभएका तानसेन निवासी निरजगोविन्द श्रेष्ठले बिहीबार एक कार्यक्रमको आयोजना गरी मन्दिरको दक्षिण भेगमा निर्माणधिन चन्द-जित-राजेन्द्र नामक भवनको साँचो मन्दिर व्यवस्थापन समितिका अध्यक्ष राजेश्वर उदयलाई हस्तान्तरण गर्नुभएको हो ।

भवन हस्तान्तरण कार्यक्रमका प्रमुख अतिथि पाल्पाका प्रदेश सांसद डाक्टर पुरनमान बज्राचार्यले कर्मथलो बाहिर भए पनि जन्मस्थानको मायाले डाक्टर निरजगोविन्दले गरेको सहयोगलाई तानसेनबासीले कहिल्यै भुल्न नसक्ने बताउनुभयो ।

भगवती गुठी व्यवस्थापन समितिका अध्यक्ष राजेश्वर उदयको अध्यक्षता, सचिव भिमसेन कार्कीको सञ्चालनमा भएको कार्यक्रममा जिल्ला समन्वय समितिका सभापति दयाराज बस्याल, तानसेन नगरपालिकाका मेयर अशोककुमार शाही, गुठि व्यवस्थापन समितिका सल्लाहकार बुद्धिप्रसाद शर्मा बोल्नुभएको थियो ।

धार्मिक एवम् सांस्कृतिक कार्यका लागि निर्माण भएको भवनमा एक सय पचास भन्दा बढी मानिस बस्न मिल्ने भगवती गुठी व्यवस्थापन समितिले जनाएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।