सिरियाको ठूलो शहर अलेपोबाट सरकारी सेना फिर्ता
मंसिर १६, २०८१ आइतबार
सिसी टहरोमा एमसीसी बहस !
जाडोको बेला सम्साझै टहरोमा जमघट सुरु भयो । जमघटसँगै एउटाले भन्यो मत गन्ती सकिएपछि ट्याङ्की खाली भयो, सिसिको पालो आयो । त्यसैले, अब सिसीकै तुन्काउने हो !
सिसी त सिसी, तर कुन सिसी ? दलहरुको दिमाग तताउने एमसीसी कि लुकेर हेर्ने क्यामरा सिसी कि ? कि इमेल पठाउँदाको सीसी या बीसीसी ?
सिसी भनेपछि सिसी नि ? एमसीसी न बीसीसी !
अरु सिसीको कुरा छाड केटा हो ! मलाई त एमसीसीकै तान्न मन लाग्यो । एमसीसी भन्ने नाम सुन्नेबित्तिकै सबै तातेर बुरुकबुरुक गर्छन् । नाम सुन्दैमा ज्यान तात्तिने चिज सुँघ्न र चाख्न पाइयो भने झन् के होला ? कहाँ पाइएला हँ त्यो एमसीसी ?
अहिल्यै त के पाइन्थ्यो ? पाए पनि ठूलाबडाले पाउने हुन् रे क्या । अमेरिकाबाट आएको रे ।
ए त्यही भए र पो हो बेलायतमा पढेर बेलायतकै सिसी चाखेका प्रधानमन्त्रीले अमेरिकी सिसी पनि छिटै पिउनुपर्यो भनेका ?
के का प्रधानमन्त्रीलाई मात्र हतार हो र ? सिसी त छुँदै छुन्न भन्ने कम्युनिस्ट नेताहरुलाई पनि हतार भैसकेको छ । बाहिर भन्न पो नभएको । ठाडो घाँटी लगाउन पाइएला कि भनेर उनीहरु पनि आँ... गरेर बसेको बस्यै छन् ।
अनि बाहिर बाहिर एमसीसी ल्याउन हुँदैन भनेर चाहिँ किन भनेका त ?
त्यसो त बाहुनहरुले बाहिर बाहिर रक्सी खाँदैनौँ, खान हुन्न भन्छन् नि । भित्रभित्र नपिउने बाहुन कोही होला त ?
त्यो त पक्कै छैन ।
हैन ए केटा हो एमसीसी भनेको रक्सीकै सिसी हो र भन्या ?
किन हैन त ? नाम सुन्दैमा थाहा हुन्छ नि । सिसी भनेको बोतल । बोतल भन्नेबित्तिकै रक्सीकै बुझिन्छ । एमसीसी भनेपछि अलि ठूलो खालको बोतल होला । महँगो रक्सी हालेको, विदेशी ब्राण्डको । सिसी मात्रै भन्दा सस्तो रक्सी ठान्छन् भनेर महँगो सिसी भन्ने अर्थ लाग्ने गरी अघिल्तिर एम थपेर अलि स्मार्ट नाम बनाएका क्या ।
त्यसो भए नेपालीलाई बिगार्न उता बनाएको रक्सी सिसीमा हालेर पठाउन खोजेका होलान् । यसै त नेपाली धेरै रक्सी पिएर बिग्रिसके । त्यसमाथि अमेरिकाले त्यस्तो महँगो रक्सी ठूलो सिसीमा हालेर पठायो भने के हुन्छ ? सबै नेपाली बिग्रन्छन्, सबै गरिब हुन्छन् ।
ओहो ! त्यसो भए त त्यति ठूलो र महँगो सिसीमा रक्सी ल्याउन दिन हुँदैन । यसले नेपाललाई गरिब बनाउँछ, नेपालीको स्वास्थ्य बिगार्छ । जसरी पनि एमसीसी रोक्नुपर्छ ।
हरे कस्ता मूर्ख होलान् यिनीहरु ! एमसीसी भनेको तिमीहामीले तन्काउने रक्सीको सिसी होइन क्या । पढाइको कुरा हो यो । हाम्रो यहाँ एमएससी, एमबीएस भनेजस्तै उताको डिग्री हो । एमएससी र एमबीएस भन्दा पनि ठूलो डिग्री एमसीसी । नेपालीले भन्दा धेरै पढेका एमसीसी पास गरेका मान्छेलाई यहाँ विकास गर्न पठाउने भनेका हुन् । कुरा बुझ्नुसुझ्नु छैन । एमसीसी भनेको रक्सीको सिसी भन्छन् ।
ए एमसीसी भनेको पढाइको, डिग्रीको कुरा पो हो ! त्यसो हो भने त गजब हुन्छ नि । उनीहरुले हामीलाई सिकाउँछन्, अनि हामी पनि उनीहरुकै हाराहारीमा पुग्न सक्छौँ ।
कहाँ उनीहरुले सिकाएर हुन्छ ? उनीहरुभन्दा हामी जान्ने छौँ । पढेर, डिग्री हातमा परेर मात्र हुन्छ ? अनुभव हुनुपर्यो नि । हामीलाई जस्तो अनुभव उनीहरुसँग हुन्छ ? त्यसमाथि उनीहरुले अङ्ग्रेजी मात्र बोल्छन् ।
हाम्रा छोराछोरीले बोर्डिङ स्कुल पढेर नेपाली भाषा बिर्सिसके । अब अमेरिकामा धेरै पढेका मान्छेहरु हाम्रामा आउँदा छोराछोरीको हालत झन् के होला ? नेपाली भाषा त सोत्तर हुन्छ ? त्यति धेरै पढेका, एमसीसी पास गरेका मान्छे हाम्रो देशमा ल्याउन हुँदैन ।
कस्तो मूर्ख कुरा गरेको होला यिनीहरुले । एमसीसी भनेको एमएससी र एमबीएस भनेजस्तो हैन क्या । कता पढाइको कुरा गरेको ? यो त सुरक्षाको विषय हो रे । अमेरिकी सेनाको कुरा क्या । भारतीय सीमा सुरक्षा बललाई एसएसबी भनेजस्तै अमेरिकी सेनाको बललाई एमसीसी भनेको हो । अमेरिकी सेना नेपाल आउन लागेका हुन् ।
ओहो ! भारतीय सुरक्षाकर्मीले त यस्तो दुःख दिइरहेको छ, अमेरिकी सेना त कहाँ आउन दिन हुन्छ र ? हुँदैन । अमेरिकी सेना नेपाल आउने यस्तो राष्ट्रघाती सम्झौता कुनै हालतमा कार्यान्वयन गर्न हुँदैन । रोक्नुपर्छ ।
एमसीसी भनेको एसएसबी भनेजस्तो पनि हैन होला । यो त एनटीसी र एनसेल भनेजस्तै मोबाइलको काम गर्ने अर्को कम्पनीको नाम एमसीसी होला ।
त्यसो हो भने पनि नेपालमा एमसीसीको काम छैन । एनटीसी र एनसेल नै काफी छन् नि, किन चाहियो अर्को कम्पनी ?
एमसीसी भनेको कहाँ मोबाइल कम्पनी हुनु ? हैन होला । सम्झौतामा त बिजुली र सडक बनाउने कुरा छ पो भन्छन् त ।
भनेपछि सडक बनाउँदा र बिजुलीको टावर गाड्दा जेसीबी र डोजर लगाउँछन् नि, हो जेसीबी भनेजस्तै एमसीसी होला । जेसीबीले भन्दा छिटो खन्ने मेसिन ।
ओहो ! जेसीबीभन्दा पनि ठूलो मेसिन त झन् ल्याउन दिनै हुँदैन । बाटो खन्दा गाउँगाउँमा जेसीबी पसेपछि अहिले नै गाउँघरमा पहिरो चलेको चल्यै छ । जेसीबीका कारण कतिका घर भत्किसके । कति ठाउँमा पहिरो गैसक्यो । अब जेसीबीभन्दा पनि पावरवाला एमसीसी आयो भने त गाउँमा अलिअलि बाँकी बसेका घर पनि सग्ला रहँदैनन् । बाटो र बिजुली बनाउँदा सबैतिर पहिरो खसेर बर्बाद हुन्छ । एमसीसी त ल्याउन हुँदै हुन्न । जसले विरोध गरिरहेको छ ठिक छ ।
हैट मूर्खहरु एमसीसी भनेको बाटो खन्ने जेसीबी होइन । एमसीसी, एमबीएस भनेजस्तो पढाइको कुरा पनि हैन । न एसएसबी भनेजस्तो हो, न एनटीसी र एनसेल भनेजस्तो । रक्सीको महँगो सिसी पनि होइन । यो त अमेरिकी विकास परियोजना मिलेनियम च्यालेञ्ज कर्पाेरेसनको छोटकरी रुप हो क्या एमसीसी ।
हो र ? अनि सम्झौतामा के के छ ? किन विरोध भएको त ?
खै के छ भनेर त पढेको छैन । तर जेसीबी, एनटीसी भनेजस्तो चाहिँ होइन । तर यो ल्याउन चाहिँ हुँदैन।
अनि के हो भन्ने कुरै नबुझी ल्याउन चाहिँ किन नहुने नि ?
खै हाम्रो पार्टीले हुँदैन भनेको छ, त्यसैले हुँदैन ।
हैन हाम्रो पार्टीले एमसीसी आएर केही हुँदैन, बरु नेपालको विकास हुन्छ भनेको छ, ल्याउँदा हुन्छ।
हुँदै हुँदैन।
हुन्छ क्या, हुन्छ ।
तैँले भनेर कहाँ हुन्छ ? एमसीसी आउनै दिन्नँ ।
ल भयो केटा हो....एमसीसी के गर्ने भन्ने कुरा पहिले यो सिसीको झोल घोप्ट्याएपछि तय गरौँला ।
ए साहुनी चार ठाउँमा एमसीसी...आच्या त्यो सिसी दिनुस् त ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
मिलन तिमिल्सिना
दुई दशकदेखि रेडियो र अनलाइन पत्रकारितामा संलग्न मिलन तिमिल्सिना समसामयिक विषयमा विश्लेषण र व्यंग्यमा दखल राख्नुहुन्छ।
2 Comments
समाचार
-
-
हिउँद लागेसँगै आगलागीका घटना बढे, २४ घण्टामा १० ठाउँमा आगलागी
मंसिर १६, २०८१ आइतबार
-
पालिका उपचुनाव : कहाँ–कहाँ भइरहेको छ मतदान ?
मंसिर १६, २०८१ आइतबार
-
सुनको भाउ तोलामा ४ सय रुपैयाँले घट्यो
मंसिर १६, २०८१ आइतबार
-
६ वटा देशमा एचआईभी सङ्क्रमण एक सय प्रतिशतले वृद्धि
मंसिर १६, २०८१ आइतबार
-
पालिका उपचुनाव : बिहानैदेखि मतदाताको उत्साहजनक सहभागिता (फ...
मंसिर १६, २०८१ आइतबार
-
कीर्तिपुर मैदानबाट क्रिकेट समर्थकको सन्देश...
मंसिर १६, २०८१ आइतबार
-
जुम्लाको पातारासीमा उमेर पुगी विवाह गर्ने जोडीलाई गाउँपालिक...
मंसिर १६, २०८१ आइतबार
-
पुरुष १९ वर्षमुनिको एशिया कपमा नेपालले आज बङ्गलादेशसँग खेल्दै
मंसिर १६, २०८१ आइतबार
-
भोलिदेखि शुरु हुने प्रधानमन्त्रीको चीन भ्रमणको तयारी अन्तिम चरणमा
मंसिर १६, २०८१ आइतबार
-
विश्व एड्स दिवस : नेपालमा ९१ प्रतिशतले एचआइभी सङ्क्रमण घट्यो
मंसिर १६, २०८१ आइतबार
-
जनकपुरमा विवाहपञ्चमी महोत्सव शुरु
मंसिर १६, २०८१ आइतबार
-
कोशी, मधेस, गण्डकी र कर्णाली प्रदेशका पहाडी भेगमा सामान्य बदल...
मंसिर १६, २०८१ आइतबार
-
पालिका उपचुनाव : ४१ पदका लागि मतदान शुरु
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
AlbertJem
Jan. 8, 2022, 9:18 p.m.Please, explain more in detail
Sudipraj Ramtel
Jan. 7, 2022, 8:22 p.m.मलाई तपाईंको रेडियो प्रस्तुती र लेखन सार्है मनपर्छ /