आज दशैँ मनाउँदै थारु समुदाय

असोज १८, २०७९ मंगलबार १६:४०:४७ | हेमराज शर्मा

दाङ – दाङ सहित पश्चिम तराईका थारु समुदायले आज दशैँ पर्व मनाइरहेका छन् । दाङका थारु समुदायले टीका जमरा लगाउनुका साथै नाचगान गरेर रमाइलो गरिरहेका छन् ।

उनीहरुले चामलको पिठोको सेतो टीका र मकैको जमरा लगाउने गर्दछन् । महाभारत युद्ध गर्न जाँदा भिम पक्षलाई विजयको कामना गर्दै टीका लगाएर बिदाइ गरेको सम्झनामा थारु समुदायले नवमीको दिन टीका लगाउने गरेको थारु अगुवाहरु बताउँछन् ।

दिवंगत बाबुआमाको सम्झनामा ‘पित्तर’ दिने प्रचलन समेत यो पर्वमा हुन्छ । पूजाआजा पछि गाउँका महतवाले आफ्नो गाउँका थारु समुदायलाई टीका लगाइदिने गर्दछन् । थारु समुदायले गाउँको महतवाबाट टीका लगाएपछि मात्रै आ आफ्नो घरमा टीका लगाउने गर्छन् ।

घरमा टीका लगाइसकेपछि गुरुवा सुसाउने चलन छ । त्यसपछि गाँउलेहरु मतौको घरमा जम्मा भएर महाभारत सम्बन्धी विशेष गीत गाउँदै नाच्ने गर्दछन् ।

दशैँमा थारु समुदायले ‘थर्पैयाँ’ र ‘सखिया पैयाँ’ नाच नाच्ने गर्दछन् । महाभारतको गीत नसकिँदासम्म दशैँको नाच जारी रहन्छ । लुम्बिनी प्रदेशका दाङ बाँके बर्दिया र सुदूरपश्चिम प्रदेशका कैलाली र कञ्चनपुरका थारु समुदायले आजबाट दशैँको टीका लगाउन सुरु गरेका हुन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्