नवलपुर बस दुर्घटना : ज्यान गुमाउने र घाइतेको पहिचान खुल्यो

कात्तिक १३, २०७९ आइतबार ९:२४:२५ | देव पचभैया

पाल्पा - नवलपरासीको बुलिङटार गाउँपालिकामा भएकाे बस दुर्घटनामा ज्यान गुमाउने र घाइते भएकाहरुको पहिचान खुलेको छ । बस दुर्घटनामा पाँच जनाको ज्यान गएको छ भने २४ जना घाइते भएका छन्।

दुर्घटनामा ज्यान गुमाउनेमा रम्भा गाउँपालिका- १ हुँगीका अन्दाजी ४१ वर्षीया तारा विक, अन्दाजी १७ वर्षीय विनय विक, ६२ वर्षीय धनी विक, ५८ वर्षीया देवि गाहा र स्याङ्जाको गल्याङ नगरपालिका-९ बेलचौर बस्ने अन्दाजी ४५ वर्षीया फूलमायाँ माझी रहेका छन् ।

गोरखाको मनकामना मन्दिर दर्शन गर्ने यात्रु बोकेर पाल्पाको हुँगीबाट छुटेको ना ६ ख ७५८० नम्बरको बस कालीगण्डकी करिडोर अन्तर्गत नवलपुरको बुलिङटार गाउँपालिकामा आज बिहान दुर्घटनामा परेको हाे ।

घाइते हुनेमा रम्भा गाउँपालिकाका ४ वर्षीय अङ्कित सुनार, १० वर्षीय कृष्ण केवट, १८ वर्षीय प्रविन सुनार, २० वर्षीय राम विक, २१ वर्षीया रीता विक, २५ वर्षीय कासीराम विक, एक वर्षीया आइसा विक, १६ वर्षीय अविनाश विक, १७ वर्षीय विशाल विक, ७ वर्षीया पुष्पा विक, ४७ वर्षीय मेघनाथ विक, स्याङ्जा गल्याङ-९ की २५ वर्षीया दिलमाया राना, ३ वर्षीय रविन राना रहेका छन् ।

यस्तै, ३२ वर्षीया सुमित्रा विक, रम्भा-१ भाले ढुङ्गाका १५ वर्षीया रिमा विक, ३२ वर्षीय सनु सुनार, ३८ वर्षीय प्रेम बहादुर सुनार, २० वर्षीय आशिष सुनार, २० वर्षीय विजय विक, ३६ वर्षीया मायाँ विक, स्याङ्जा गल्याङ-८ का ३५ वर्षीय मनोज कुमार विक, ३० वर्षीया उमा कुमारी विक, गल्याङ-९ का ३० वर्षीया सरीता माझी, ३१ वर्षीय रामु राना, पाल्पा रम्भा-१ का १२ वर्षीया अस्मिता सुनार, ४७ वर्षीय ओमबहादुर विक, ४५ वर्षीया सेती विक र ४८ वर्षीय शिव कुमारी विक रहेका छन् ।

बस चालक रामपुर-३ गण्डकी ढिकका दिलकुमार श्रेष्ठ, सहचालक रामपुर-५ बेझाँडका साजन श्रेष्ठ पनि घाइते भएका छन् । घाइतेहरुलाई उपचारका लागि नारायणी सामुदायिक अस्पताल नारायणघाट पठाइएको जिल्ला प्रहरी कार्यालय नवलपरासी (सुस्ता पूर्व) का प्रहरी नायब उपरीक्षक सन्तोष पाठकले जानकारी दिनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्