बर्दियाको मैनापोखरमा गोली प्रहारबाट एकजनाकाे हत्या, प्रहरी भन्छ – पुष्टि भएकाे छैन

कात्तिक १९, २०७५ सोमबार १२:७:० | भावुक योगी

बर्दिया – बढैयाताल गाउँपालिकाको मैनापोखरमा एकजनाकाे गाेली हानी हत्या भएको आशंका गरिएको छ ।

बढैयाताल गाउँपालिका–३ गोवरियापुर गाउँका ३५ वर्षिय मोहन खटिकको पेटमा गोली लागेको जस्तो देखिएपछि उपचारका लागि नेपालगञ्ज लैजाँदै गर्दा ज्यान गएको प्रहरीले जनाएको छ ।

राँगा व्यापारीसमेत रहेका मृतक खटिकको गोली प्रहारबाट हत्या गरिएको भनिए पनि पुष्टि हुन सकेको छैन । राति दुईबजेतिर गोली प्रहार भएको जनाइए पनि गोली प्रहारबाट हो, होइन मेडिकल तथा पोष्टमार्टम रिपोर्ट आएपछि मात्र थाहा हुने भएकाले अनुसन्धान भइरहेको जिल्ला प्रहरी कार्यालय बर्दियाका प्रहरी उपरीक्षक सुरेन्द्रप्रसाद मैनालीले बताउनुभयो ।

तालिम प्राप्त कुकुर ल्याएर अनुसन्धान गरिरहेको र सोधपुछका लागि चारजनालाई प्रहरीले नियन्त्रणमा लिएर अनुसन्धान गरिरहेकाे उपरीक्षक मैनालीले बताउनुभयो । मृतकको शव मोष्टमार्टमका लागि पठाइएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भावुक योगी

बर्दियाका उज्यालो सहकर्मी भावुक योगी बर्दियाको रेडियो टाइगरमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्