देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देश परदेशको अंक ४८४

Download

कार्यक्रम देश परदेशको ४८४ औँ अंक दसैँ मनाउन घर फर्किएका र फर्कने तयारीमा रहेका परदेशीका खुसी र सङ्क्रमण जोखिमबाट बच्न अपनाउनु पर्ने सावधानीमा केन्द्रित छ । वर्षौँपछि विदेशबाट दसैँ मनाउन घर फर्किन्न लागेका श्रमिकका खुसी र उमङ्ग समेटिएको रिपोर्ट र परदेशको दुःख र सङ्घर्षलाई झेल्दै स्वदेश आइ पुगेकाहरूको त्रिभुवन अन्तर्राष्ट्रिय विमानस्थलमा देखिएको खुसी कार्यक्रममा सुन्न सकिन्छ । अनि, कोरोना सङ्क्रमणको जोखिमबाट बच्दै यात्रा गर्ने उपाय र दसैँ मनाउँदा ध्यान दिनुपर्ने कुराबारे जनस्वास्थ्यविद् डा. श्यामराज उप्रेतीसँग कुराकानी पनि कार्यक्रममा समेटिएको छ ।

देश परदेश (अडियाे)

कार्यक्रम देश परदेशको अंक ४८४

अरु एपिसोडहरु