देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

कार्यक्रम देशपरदेशको ४९५ औँ अंक

Download

कार्यक्रम देशपरदेशको ४९५ औँ अंक वैदेशिक रोजगारीमा रहेका व्यक्ति तथा उनीहरुका परिवारले भोग्ने गरेका लाञ्छनाको विषयमा केन्द्रित छ । कार्यक्रममा श्रीमान् विदेशमा गएपछि घरका मान्छे र गाउँलेबाट नानाथरी लान्ञ्छना सुन्दासुन्दै वाक्कदिक्क हुनुभएकी दाङकी एक महिलाको अनुभव प्रस्तुत गरेका छौँ । वैदेशिक रोजगारीमा गएका व्यक्तिका परिवारले भोग्ने सामाजिक लाञ्छनाको अवस्था र यसलाई रोक्ने उपायबारे सुरक्षित आप्रवासन परियोजनाको आप्रवासी स्रोत केन्द्र तथा मनोपरामर्श कार्यक्रम संयोजक रोनी प्रधानको सुझाव पनि कार्यक्रममा सुन्न सक्नुहुन्छ । यस्तै सामाजिक लाञ्छनाविरुद्धको कानुनी उपचार र दण्डसजायको व्यवस्थाबारे पिपुल फोरममा आवद्ध अधिवक्ता सुदिप देवकोटासँगको कुराकानी पनि कार्यक्रममा सुन्न सकिन्छ । साथमा हप्ताभरिका रोजगार गतिविधि र तपाईंले सोधेको प्रश्नमा हामीले खोजेको उत्तर त छँदैछ ।

देश परदेश (अडियाे)

कार्यक्रम देशपरदेशको ४९५ औँ अंक

अरु एपिसोडहरु