देश परदेश (अडियाे)

खाडीका कुवेत र कतार हुन् वा पूर्वी एसियाका कोरिया र मलेसिया ! अथवा युरोप र अमेरिकाका देश नै किन नहुन्, अब धरतीका सातै महादेशमा नेपाली नपुगेका देश छैनन् । विदेशमा नेपालीले नगरेका काम पनि अब थोरै मात्र छन् । वैदेशिक रोजगारी, अध्ययन, अनुसन्धान, ब्यवसाय र जागीरका सिलसिलामा विदेशमा रहेका नेपालीको संख्या झण्डै ५० लाख पुगेको छ । त्यसमध्ये आधाभन्दा बढी जनशक्ति वैदेशिक रोजगारीका सिलसिलामा विदेश पुगेको छ । देश परदेश वैदेशिक रोजगारीमा जाने र गएका नेपालीलाई सुरक्षित, व्यवस्थित र मर्यादित वनाउने मल्टिमिडिया प्लेटफर्म हो । यो प्लेटफर्ममा रेडियो र अनलाईन एकअर्कासित अन्तरंग जोडिएका छन् । विदेश जान चाहने नेपाली र विदेशमा रहेका नेपालीका भावना, भोगाई, चासो र सरोकारका बिषय र घटनाहरु यो प्लेटफर्मका मुख्य बिषयबस्तु हुन् । यिनै बिषयमा हरेक मंगलवार बिहान ८ः०० देखि ९ः०० बजेसम्म देशभरिका सयभन्दा धेरै स्टेशनबाट रेडियो कार्यक्रम देश परदेश प्रसारण हुन्छ । विदेशमा काम गर्न जाने र विदेशमा काम गरिरहेका नेपालीका काम, सीप र कमाईसँग सम्बन्धित अनुभव, कथाव्यथा, जानकारी, प्रश्न उत्तर र समाचार तथा टिप्पणीहरु सँगै रेडियो कार्यक्रम समेत अनलाईन पोर्टलमा समेटिन्छन् । उज्यालोको देश परदेश मल्टिमिडिया प्लेटफर्म तपाईंको साथ र सहयोगमा वैदेशिक रोजगारलाई सुरक्षित, व्यवस्थित र मर्यादित वनाउने अभियान हो । हामी तपाईंलाई आफ्ना अनुभव, सीप, कमाई, सफलता र विफलताका कथा, समाचार, टिप्पणी तथा तपाईंका भोगाई लेखेर, बोलेर र भिडियोमा पठाएर यो अभियानमा साथ दिन र सहयोग गर्न अनुरोध गर्छौ । देश परदेश मल्टिमिडिया प्लेटफर्ममा तपाईंलाई हार्दिक स्वागत छ !

319th Desh Paradesh 2018-08-07

Download

कार्यक्रम देश परदेशको अंक ३१९ कार्यस्थलमा अपनाउनु पर्ने सावधानी अथवा पेशागत स्वास्थ्य सुरक्षाका विषयमा केन्द्रित छ । रोजगारीका लागि कतार पुगेको वर्षदिन नबित्दै दुवै मिर्गौला काम नलाग्ने भएपछि नेपाल फर्केका इलामका सनम तामाङका अनुभव कार्यक्रममा सुन्न सकिन्छ । पेशागत स्वास्थ सुरक्षा भनेको के हो र पेशागत सुरक्षासँग सम्बन्धित नीति नियम के कस्ता छन् भन्ने विषयमा श्रम तथा पेशागत सुरक्षा विभागका महानिर्देशक रामप्रसाद भट्टराईसित गरिएको कुराकानी कार्यक्रममा सुन्नुहुनेछ । नियमित स्तम्भ दिदीबहिनीका कुरामा उदयपुरकी शर्मिला तामाङका सास्ती, सिकाइ, अनुभव र सुझाव समेटिएको छ । सधैंजस्तै वैदेशिक रोजगार सम्बन्धी साप्ताहिक गतिविधि, प्रश्नोत्तर, राउण्ड अपका साथै तपाईंका प्रतिक्रिया, जिज्ञासा, गुनासो, सल्लाह सुझाव रहनेछ ।

देश परदेश (अडियाे)

319th Desh Paradesh 2018-08-07

अरु एपिसोडहरु